Við hjálpum þér að skína!

„Ásta er einstök fagmanneskja sem skapar afslappað og þægilegt andrúmsloft, hugar að hverju smáatriði og leggur mikinn metnað í hverja einustu mynd - sem endurspeglast í frábærri útkomu“.

“Það er alltaf sérstök upplifun að koma til Ástu í myndatöku. Hún býr yfir næmni og nær að skapa öruggt rými. Hún fær mig til að slaka á og vera ég sjálf.  Myndirnar hennar bera þess merki; þær eru ekki aðeins fallegar, heldur lifandi, með þeim galdri sem aðeins hún virðist ná fram”.  

“Það mikilvægasta er að hjá Ástu finnur maður fyrir öryggi sem hjálpar manni að slaka á og vera maður sjálfur fyrir framan myndavélina. Öll stjórn og ábendingar eru afslappaðar og uppbyggjandi og fagmennskan algjör. Ég gef Ástu mín bestu meðmæli”.

"Ég er ein að þeim sem hatar að láta taka af mér myndir og ég get nú ekki sagt að mig hlakkaði til myndatökunnar. Ásta var hinsvegar fljót að afvopna mig með vingjarnlegu viðmóti, heimilislegu andrúmslofti en um leið faglegri nálgun og mikilli kunnáttu um hvað virkar og hvað virkar ekki. Þetta reyndist vera eftir allt saman hin besta skemmtun og ég er í skýjunum með myndirnar mínar".

“One of the best photographer I have ever met, both as a being and as a professional”.

“Það er alltaf jafn gaman og hlýtt að mæta til hennar Ástu. Hún er með smitandi jákvæða orku og einstaklega kraftmikinn karakter. Hún hefur bæði myndað mig og fjölskyldu mína, fermingar- og fyrirsætuljósmyndun og alltaf er  andrúmsloftið jafn þægilegt og drífandi. Að fara í myndatöku hjá Ástu er eins og að hanga með góðri vinkonu sem þú hefur ekki séð lengi” .❤️

“Ásta er fagmaður af lífi og sál. Mér líður alltaf eins og ég sé í spjalli með góðri vinkonu þegar Ásta er við myndavélina enda er hún svo afslöppuð sjálf.  
Ásta hefur myndað fyrir Fastus bæði prófil myndir og hópmyndir og erum við mjög ánægð með útkomuna - allir svo afslappaðir enda er nærvera Ástu einstök”.

“Hafandi bæði unnið með Ástu sem ljósmyndara og séð hana í frábæru hlutverki kennara í ljósmyndun get ég heilshugar mælt með henni til að fanga mikilvæg augnablik í lífi hverrar manneskju. Hlýja og sjálfstyrking eru eitt af hennar bestu eiginleikum og það skapar pláss fyrir frábæra listsköpun, hvort sem að tilraunastarfsemi er í aðalhlutverki eða hefðbundnari myndatökur. Ég er ofsalega ánægð með hvort tveggja í okkar samvinnu! Mæli heilshugar með samstarfi með Ástu!”

“Ég mæli eindregið með Ástu Kristjánsdóttir ljósmyndara. Hún vinnur vinnu sína af fagmensku og hlýju. Ég upplifði einlægan áhuga hennar á mér sem manneskju og vilja til að láta mér líða vel. Vilja til að sýna mig í jákvæðu ljósi og láta mig blómstra fyrir myndavélinni. Þannig myndaðist strax samband þar sem ég gat slakað á og við "lékum okkur" saman. Ásta náði að laða fram það besta í mér. Það er mér mikils virði að eiga góðar myndir sem ég er ánægð með”.

„Ásta er einstaklega fagleg og skemmtileg í senn – með frábært auga fyrir smáatriðum og með hugmyndirnar flæðandi. Hún skapar létt og jákvætt andrúmsloft sem gerir myndatökuna að ánægjulegri upplifun. Ásta er skapandi, hröð og full af gleði, það er einfaldlega gaman að vinna með Ástu.“

Ég hef alltaf átt frekar erfitt með að láta taka af mér uppstilltar myndir og finnst það oft bæði óþægilegt og leiðinlegt. Ásta náði aftur á móti að skapa afslappað og þægilegt andrúmsloft. Það var greinilegt að Ásta hefur einstaka hæfileika til að setja fólk í góðan gír því ég náði alveg að gleyma mér og slaka á - og svo voru myndirnar sjálfar auðvitað geggjaðar!